Выкананне даручэнняў Кіраўніка дзяржавы разгледжана на аператыўнай нарадзе ў Міністра

Як падкрэсліў Міністр прыродных рэсурсаў і аховы навакольнага асяроддзя Андрэй Худык, звяртаючыся да ўдзельнікаў нарады, даручэнніКіраўніка дзяржавы - гэта тая аснова, на якую работнікі прыродаахоўнага ведамства павінны абапірацца пры выкананні задач па арганізацыі экалагічнай бяспекі краіны. Міністр звярнуў увагу на неабходнасць павелічэння актыўнасці ў працы ад кожнага супрацоўніка ў асобнасці і ўсёй сістэмы Мінпрыроды ў цэлым.

У прыватнасці, у ходзе абмеркавання пытання павышэння якасці прагнозаў надвор'я, Андрэй Худык засяродзіў увагу на працы Белгідрамета з грамадскасцю, у тым ліку ў частцы прадастаўлення актуальнай інфармацыі аб тэхнічнай мадэрнізацыі сістэмы наземных метэаралагічных назіранняў за кошт укаранення аўтаматызаваных метэаралагічных комплексаў. Асобна разгледжана пытанне формаў, якасці і тэхналогій давядзення прагнозаў надвор'я да насельніцтва праз сродкі масавай інфармацыі, спецыялізаваныя Інтэрнэт-сайты, з дапамогай мабільных прыкладанняў. Міністр зрабіў акцэнт на неабходнасці выключэння няяснасьці і супярэчлівасці метэаінфармацыі ў розных крыніцах.

Дэталёва на нарадзе разгледжана пытанне мадэрнізацыі геолагаразведвальнай галіны. Міністр даручыў паскорыць працу па падрыхтоўцы плана мадэрнізацыі РУП “НПЦ па геалогіі" і ў самыя кароткія тэрміны прадставіць яго праект на абмеркаванне. “Мы павінны на сваім узроўні пераканацца ў эфектыўнасці і рэальнасці кожнага мерапрыемства гэтага плана. У якасці экспертаў да яго распрацоўкі павінны быць прыцягнутыя вядучыя навукоўцы і геолагі. Неабходна, нарэшце, даць выразна адказ на пытанне, як і па якім шляху павінна развівацца геолагаразведвальная галіна ў краіне”, - сказаў кіраўнік прыродаахоўнага ведамства.

У рамках абмеркавання выканання даручэнняў Кіраўніка дзяржавы і Урада па навядзенні парадку на зямлі Андрэй Худык падняў тэму скарачэння выкарыстання пластыкавай ўпакоўкі тавараў, вывучэння замежнага вопыту ў распрацоўцы і выкарыстанняновых экалагічных матэрыялаў, экаўпакоўкі.

Акрамя таго, на аператыўнай нарадзе Міністрам дадзены даручэнні па рэалізацыі ўказа аб развіцці Аршанскага раёна Віцебскай вобласці, развіццю міжнароднага супрацоўніцтва, падрыхтоўцы і правядзенні выніковай калегіі міністэрства на высокім узроўні і іншыя.

У нарадзе прынялі ўдзел кіраўнікі структурных падраздзяленняў і падпарадкаваных Мінпрыроды арганізацый, з дапамогай відэа-канферэнц-сувязі кіраўнікі тэрытарыяльных органаў міністэрства.