Карысныя выкапні. Здабыча торфу. ІНФАГРАФІКА
Навіны
19.06.2024 | 10:11
Беларусь займае 1-е месца ў свеце па ўзроўні здабычы торфу і аб'ёме вытворчасці брыкетаў.
Штогод здабываецца каля 2 млн т торфу. З яго атрымліваюць 1,2 млн т тарфяной прадукцыі, у тым ліку 1 млн т - паліўнай групы. Гэта дае магчымасць штогод замяшчаць больш за 450 млн куб.м імпартуемага прыроднага газу.
Пры цяперашніх аб'ёмах здабычы і перапрацоўкі запасаў торфу ў краіне хопіць на 100 гадоў.
Прадукцыя торфабрыкетных заводаў пастаўляецца арганізацыям ЖКГ, цэментнай прамысловасці, насельніцтву, запатрабавана ў сельскай гаспадарцы.
У 2023 годзе Беларусь экспартавала 150 тыс. т тарфяной прадукцыі паліўнага і няпаліўнага прызначэння ў 21 краіну.
Паводле даных на канец мая 2024 г., здабыта амаль 250 тыс. т торфу (12% ад гадавога плана).
Усяго ў 2024 годзе плануецца адвесці 2865,3 га плошчаў для здабычы торфу і пабудаваць 622,7 га новых плошчаў для здабычы торфу.
Для даведкі
Торф - карысны выкапень, які ўтвараецца ў працэсе натуральнага адмірання і няпоўнага распаду балотных раслін ва ўмовах празмернага ўвільгатнення і ўскладненага доступу паветра. Выкарыстоўваецца ў якасці ўгнаення, паліва, сыравіны хімічнай прамысловасці.
Крыніцы: Мінэнерга.
БЕЛТА - Навiны Беларусi
