Мінлясгас правядзе акцыю па аднаўленні бураломных участкаў "Дай лесу новае жыццё"

2 кастрычніка, Мінск /Кар. БЕЛТА/. Міністэрства лясной гаспадаркі правядзе акцыю па аднаўленні бураломных участкаў "Дай лесу новае жыццё". Аб гэтым паведамілі БЕЛТА ў прэс-службе ведамства.

Кампанія пройдзе з 12 кастрычніка па 12 лістапада. Прыняць удзел у ёй зможа кожны жадаючы. У час акцыі грамадзяне змогуць паўдзельнічаць у аднаўленні бураломных участкаў у Гомельскай і Магілёўскай абласцях, якія найбольш пацярпелі ў выніку разгулу ліпеньскай стыхіі.

Вось ужо некалькі месяцаў больш за 3 тыс. работнікаў лесагаспадарчых устаноў краіны, нягледзячы на ўмовы надвор'я і іншыя цяжкасці, аператыўна ліквідуюць наступствы стыхіі ў лясным фондзе. За гэты час распрацавана асноўная маса лесасек, якія патрабавалі правядзення суцэльных санітарных высечак, а ўчасткі падрыхтаваны пад лесааднаўленне.

Мінлясгас запрашае кожнага жыхара краіны ўнесці свой уклад у аднаўленне лясоў Беларусі. Для ўдзелу неабходна звяртацца ў лясгасы Гомельскай і Магілёўскай абласцей, каб запісацца ў рады добраахвотнікаў.-0-

Вы можаце знайсці гэту старонку па наступным адрасе:
https://minpriroda.gov.by/by/news-by/view/minljasgas-pravjadze-aktsyju-pa-adnaulenni-buralomnyx-uchastkau-daj-lesu-novae-zhytstse-6054