Мінлясгас заахвоціць найбольш актыўныя ўстановы адукацыі, якія ўдзельнічаюць у акцыі "Адновім лясы разам!"

Навіны 22.03.2024 | 14:14

22 сакавіка, Мінск /Кар. БЕЛТА/. Міністэрства лясной гаспадаркі заахвоціць найбольш актыўныя ўстановы адукацыі, якія ўдзельнічаюць у акцыі "Адновім лясы разам!". Аб гэтым паведамілі БЕЛТА ў прэс-службе ведамства.

Рэспубліканская добраахвотная акцыя па стварэнні новых лясоў стартуе ў Беларусі ўжо ў гэту суботу, 23 сакавіка, і прадоўжыцца па 20 красавіка ўключна. Акцыя "Адновім лясы разам!" будзе прысвечана Году якасці і ахопіць усе рэгіёны краіны.

"У рамках экалагічнай кампаніі Мінлясгас заахвоціць найбольш актыўныя ўстановы адукацыі. Так, у кожнай вобласці будуць вызначаны самыя актыўныя школы і самыя актыўныя класы, якія атрымаюць ад дзяржаўных вытворчых лесагаспадарчых аб'яднанняў каштоўныя падарункі", - расказалі ў прэс-службе.

У Мінлясгасе адзначылі, што такая ініцыятыва рэалізуецца не першы ўжо раз і накіравана на прыцягненне ўвагі моладзі да праблем лесааднаўлення, неабходнасці выхавання беражлівага стаўлення ў школьнікаў да аднаго з важнейшых прыродных рэсурсаў.-0-

БЕЛТА - Навiны Беларусi

Вы можаце знайсці гэту старонку па наступным адрасе:
https://minpriroda.gov.by/by/news-by/view/minljasgas-zaaxvotsits-najbolsh-aktyunyja-ustanovy-adukatsyi-jakija-udzelnichajuts-u-aktsyi-adnovim-ljasy-5591/