Мінпрыроды прапануе абмеркаваць пераўтварэнне рэспубліканскага заказніка "Белая Русь"

Навіны 16.12.2022 | 14:34

16 снежня, Мінск /Кар. БЕЛТА/. На грамадскае абмеркаванне вынесены праект пастановы Міністэрства прыродных рэсурсаў і аховы навакольнага асяроддзя "Аб пераўтварэнні рэспубліканскага заказніка "Белая Русь", паведамляе БЕЛТА са спасылкай на Нацыянальны прававы інтэрнэт-партал.

Праектам пастановы прадугледжваецца пераўтварэнне ў Лагойскім раёне Мінскай вобласці рэспубліканскага ландшафтнага заказніка "Белая Русь" у рэспубліканскі заказнік "Белая Русь" у сувязі са змяненнем яго межаў і рэжыму аховы і выкарыстання.

Дакументам прапануецца ўстанавіць новыя межы, плошчу і спіс землекарыстальнікаў заказніка, зацвердзіць палажэнне аб рэспубліканскім заказніку "Белая Русь", унесці змяненні ў пастанову Савета Міністраў Рэспублікі Беларусь ад 4 лютага 2015 года нумар 71 "Аб рэспубліканскіх заказніках".

Арганізатар грамадскага абмеркавання - Міністэрства прыродных рэсурсаў і аховы навакольнага асяроддзя.

Свае заўвагі і прапановы можна выказаць у спецыяльнай тэме на Прававым форуме Беларусі, а таксама накіраваць арганізатару грамадскага абмеркавання на электронны адрас zakaznik@minpriroda.gov.by з 16 па 26 снежня.-0-

БЕЛТА - Навiны Беларусi

Вы можаце знайсці гэту старонку па наступным адрасе:
https://minpriroda.gov.by/by/news-by/view/minpryrody-prapanue-abmerkavats-perautvarenne-respublikanskaga-zakaznika-belaja-rus-4581/