Першацветы распусціліся ў снежні ў Белавежскай пушчы

Навіны 15.12.2025 | 09:45

15 снежня, Брэст /Кар. БЕЛТА/. У нацыянальным парку "Белавежская пушча" ў снежні заўважылі першацветы, паведамляе БЕЛТА са спасылкай на нацпарк.

"Залішне высокія тэмпературы або іх ваганне выклікае парушэнне перыяду спакою ў раслін, што ў выніку прыводзіць да нясвоечасовага раскрыцця пупышак, цвіцення, з'яўлення лісця", - растлумачылі спецыялісты нацыянальнага парку.

Амаль як у казцы "12 месяцаў", у лясах Белавежскай пушчы ў снежні заўважылі першацветы - кветкі ветраніцы дубраўнай. Звычайна ж яна цвіце ў сярэдзіне вясны, утвараючы цэлыя белыя дываны ў змешаных лясах і на палянах.-0-

Вы можаце знайсці гэту старонку па наступным адрасе:
https://minpriroda.gov.by/by/news-by/view/pershatsvety-raspustsilisja-u-snezhni-u-belavezhskaj-pushchy-6529/