Версія для друку
Памер шрыфту
+
фота
Друк

Развіццё экалагічнага турызму Беларусі абмеркавалі на пасяджэнні каардынацыйнага савета

Навіны 30.12.2022 | 14:47

30 снежня, Мінск /Кар. БЕЛТА/. У анлайн-фармаце адбылося сёмае пасяджэнне каардынацыйнага савета праекта міжнароднай тэхнічнай дапамогі "Развіццё экалагічнага турызму для садзейнічання зялёнаму пераходу да інклюзіўнага і ўстойлівага росту", які рэалізуецца Міністэрствам прыродных рэсурсаў і аховы навакольнага асяроддзя ў партнёрстве з праграмай развіцця ААН і пры фінансавай падтрымцы Расійскай Федэрацыі. Аб гэтым паведамілі БЕЛТА ў прэс-службе Мінпрыроды.


У пасяджэнні пад старшынствам нацыянальнага каардынатара праекта, першага намесніка міністра прыродных рэсурсаў і аховы навакольнага асяроддзя Аляксандра Корбута прынялі ўдзел прадстаўнікі Мінпрыроды, ПРААН, пасольства Расіі ў Беларусі, Міністэрства спорту і турызму, Міністэрства лясной гаспадаркі і чатырох пілотных заказнікаў праекта - "Азёры", "Асвейскі", "Налібоцкі" і "Чырвоны Бор".


"У час мерапрыемства разгледжаны і адобраны асноўныя вынікі праекта ў бягучым годзе, зацверджаны гадавы рабочы план праекта на будучы год, адобраны спісы абсталявання і матэрыялаў, набытых і перададзеных па праекце ў 2022 годзе пілотным заказнікам "Азёры", "Асвейскі" і "Налібоцкі", адобраны тэхнічныя патрэбнасці пілотных заказнікаў для развіцця экатурызму ў 2023 годзе. Акрамя таго, расійскі бок высока ацаніў работу праекта і дасягнутыя па ім вынікі бягучага года. Усе ўдзельнікі пасяджэння дамовіліся прадоўжыць актыўнае ўзаемадзеянне і супрацоўніцтва па праекце ў наступным годзе", - адзначылі ў прэс-службе Мінпрыроды.-0-


БЕЛТА - Навiны Беларусi

Вы можаце знайсці гэту старонку па наступным адрасе:
https://minpriroda.gov.by/by/news-by/view/razvitstse-ekalagichnaga-turyzmu-belarusi-abmerkavali-na-pasjadzhenni-kaardynatsyjnaga-saveta-4608/
© Міністэрства прыродных рэсурсаў і аховы навакольнага асяроддзя Рэспублікі Беларусь, 2024
Распрацоўка і падтрымка сайта БЕЛТА