Версія для друку
Памер шрыфту
+
фота
Друк

У Беларусі плануюць удасканаліць тэхналогіі здабычы і перапрацоўкі тугаплаўкіх глін

Навіны 22.09.2022 | 16:04

22 верасня, Мінск /Кар. БЕЛТА/. У Беларусі плануюць удасканаліць тэхналогіі здабычы і перапрацоўкі тугаплаўкіх глін. Аб гэтым ішла размова ў час рабочай паездкі міністра прыродных рэсурсаў і аховы навакольнага асяроддзя Андрэя Худыка ў Столінскі раён Брэсцкай вобласці, паведамілі БЕЛТА ў прэс-службе ведамства.


У ходзе рабочай паездкі Андрэй Худык правёў выязную нараду на базе Столінскага раённага выканаўчага камітэта Брэсцкай вобласці па пытанні імпартазамяшчэння глін і каалінаў мясцовымі выкапнямі. У нарадзе прынялі ўдзел старшыня Столінскага райвыканкама Рыгор Пратасавіцкі, прадстаўнікі прыродаахоўнага ведамства і Столінскага райвыканкама, а таксама зацікаўленых прадпрыемстваў - ААТ "Керамін", ААТ "Бярозабудматэрыялы", а таксама ААТ "Гарынскі камбінат будаўнічых матэрыялаў".


"Неабходна разумець, што не радовішчы шукаюць пад існуючую тэхналогію, а пад выяўленыя радовішчы распрацоўваюць тэхналогію абагачэння сыравіны з выкарыстаннем найноўшых дасягненняў навукі. У існуючых санкцыйных умовах арганізацыям - спажыўцам сыравіны неабходна прыняць вычарпальныя меры па гэтым пытанні", - адзначыў міністр.


Ён дадаў, што выкарыстанне тугаплаўкіх глін беларускіх радовішчаў павінна быць павялічана ў неабходных аб'ёмах за кошт удасканалення тэхналогіі іх здабычы і перапрацоўкі, а таксама вызначэння максімальна магчымага напрамку выкарыстання гэтай сыравіны.


У мэтах больш дэталёвага вывучэння сітуацыі на месцы ўдзельнікі выязной нарады наведалі кар'ер па распрацоўцы тугаплаўкіх глін радовішча Гарадное і ААТ "Гарынскі КБМ", размешчаныя ў Столінскім раёне Брэсцкай вобласці.


Усяго ў Беларусі па прамысловых катэгорыях разведана 241 радовішча розных відаў глін, у тым ліку 220 радовішчаў глін і суглінкаў марэнных, азёрна-ледніковых і асадкавых, шэсць радовішчаў тугаплаўкіх глін, 14 радовішчаў глін, якія выкарыстоўваюцца пры вытворчасці цэменту, а таксама адно радовішча глін бентанітавых. Здабычу гліны вядуць 11 арганізацый (арганізацыі, якія ўваходзяць у сістэму Мінбудархітэктуры, камунальнай форм уласнасці і без ведамаснай прыналежнасці). Вядучае месца сярод іх займаюць арганізацыі сістэмы Мінбудархітэктуры (73 працэнты). Напрамкі выкарыстання глін у краіне даволі шырокія - ад выкарыстання пры вытворчасці цэменту да выпуску керамічнай прадукцыі.-0-


БЕЛТА - Навiны Беларусi

Вы можаце знайсці гэту старонку па наступным адрасе:
https://minpriroda.gov.by/by/news-by/view/u-belarusi-planujuts-udaskanalits-texnalogii-zdabychy-i-perapratsouki-tugaplaukix-glin-4426/
© Міністэрства прыродных рэсурсаў і аховы навакольнага асяроддзя Рэспублікі Беларусь, 2023
Распрацоўка і падтрымка сайта БЕЛТА