У населеных пунктах Беларусі з пачатку года пасаджана больш за 414 тыс. дрэў

26 кастрычніка, Мінск /Кар. БЕЛТА/. У населеных пунктах Беларусі за 9 месяцаў пасаджана больш за 414 тыс. дрэў. Аб гэтым паведаміў на прэс-канферэнцыі намеснік начальніка галоўнага ўпраўлення рэгулявання абыходжання з адходамі, біялагічнай і ландшафтнай разнастайнасці - начальнік упраўлення рэгулявання абыходжання з адходамі Міністэрства прыродных рэсурсаў і аховы навакольнага асяроддзя Максім Тарасаў, паведамляе карэспандэнт БЕЛТА.

"Пытанне навядзення парадку на зямлі і добраўпарадкавання тэрыторый, аб'ектаў комплекснае і ўключае ў сябе дзейнасць па добраўпарадкаванні, азеляненні, утрыманні і падтрыманні ў чысціні тэрыторый (аб'ектаў) абласцей, раёнаў, гарадоў і раёнаў у гарадах, накіраваную на прывядзенне гэтых тэрыторый у здавальняючы стан. Агульная каардынацыя работ па навядзенні парадку на зямлі ўрадам ускладзена на Міністэрства прыродных рэсурсаў і аховы навакольнага асяроддзя. Работа ў гэтай сферы праводзіцца Мінпрыроды ў цесным узаемадзеянні з мясцовымі органамі ўлады, землеўпарадкавальнымі службамі, органамі, якія ажыццяўляюць дзяржаўны санітарны нагляд, арганізацыямі жыллёва-камунальнай гаспадаркі і іншымі ведамствамі", - сказаў Максім Тарасаў.

Урадам штогод зацвярджаецца рэспубліканскі план па навядзенні парадку на зямлі. "Ён даволі шырокі і ўключае больш за 85 мерапрыемстваў, накіраваных на добраўпарадкаванне і ўтрыманне ў належным стане тэрыторый населеных пунктаў, сельскагаспадарчых тэрыторый і аб'ектаў, тэрыторый і аб'ектаў уздоўж аўтамабільных дарог і чыгунак, месцаў пахавання, тэрыторый ляснога фонду, правядзенне меліярацыйных мерапрыемстваў, работ па рэгуляванні распаўсюджвання і колькасці баршчэўніка Сасноўскага. Вялікая ўвага ўдзяляецца падтрыманню парадку на аб'ектах сацыяльнай сферы, гісторыка-культурнай спадчыны, тэрыторыях мемарыяльных комплексаў, месцаў баявой і воінскай славы, пахаванняў воінаў і партызан, а таксама месцаў масавай гібелі насельніцтва", - паведаміў намеснік начальніка галоўнага ўпраўлення.

Што датычыцца вынікаў выканання рэспубліканскага плана, то за 9 месяцаў гэтага года ў рамках добраўпарадкавання і ўтрымання тэрыторый населеных пунктаў высаджана больш за 414 тыс. дрэў і звыш 238 тыс. кустоў. Акрамя таго, уладкавана і адрамантавана каля 2,5 тыс. кантэйнерных пляцовак і больш за 14 тыс. кантэйнераў для збору адходаў, у тым ліку 3,7 тыс. кантэйнераў для раздзельнага збору адходаў, знесена каля 2,8 тыс. пустуючых і старых жылых дамоў, адрамантавана больш за 1 тыс. шахтавых калодзежаў.

Актыўна праводзіліся мерапрыемствы па рэгуляванні распаўсюджвання і колькасці баршчэўніка Сасноўскага. "Усе выяўленыя месцы былі або хімічна апрацаваны, або зведалі ўздзеянне механічным метадам. Гэта 5925 га", - адзначыў Максім Тарасаў.

Выкананы мерапрыемствы па падтрыманні належнага стану тэрыторый і аб'ектаў уздоўж аўтамабільных дарог. "Устаноўлена 69 кантэйнераў для збору адходаў, ліквідавана адходаў у паласе адводу аўтадарог на агульнай працягласці звыш 16 тыс. км. Уздоўж дарог высаджана 12,5 тыс. дрэў і 9,5 тыс. кустоў", - расказаў ён. Таксама праводзяцца работы на тэрыторыі ляснога фонду. На плошчы 7 тыс. га выканана прыбіранне адходаў.

"Мінпрыроды на пастаяннай аснове праводзяцца кантрольныя мерапрыемствы за выкананнем патрабаванняў прыродаахоўнага заканадаўства, на асаблівым кантролі выяўленне фактаў размяшчэння адходаў па-за санкцыянаванымі месцамі, выкананнем правіл эксплуатацыі аб'ектаў пахавання адходаў, недапушчэннем пахавання другасных матэрыяльных рэсурсаў. Так, за 9 месяцаў выяўлена больш за 15 тыс. фактаў размяшчэння адходаў па-за санкцыянаванымі месцамі. Праведзена 1986 абследаванняў аб'ектаў пахавання ЦКА. У выніку праведзенай работы выяўлена 895 фактаў пахавання другасных матэрыяльных рэсурсаў", - сказаў прадстаўнік міністэрства.-0-

Вы можаце знайсці гэту старонку па наступным адрасе:
https://minpriroda.gov.by/by/news-by/view/u-naselenyx-punktax-belarusi-z-pachatku-goda-pasadzhana-bolsh-za-414-tys-dreu-4471