З пачатку года работнікі лясгасаў стварылі каля 14,5 тыс. га новых лясных культур

8 красавіка, Мінск /Кар. БЕЛТА/. Работнікі лясгасаў ужо стварылі каля 14,5 тыс. га новых лясных культур, паведамілі БЕЛТА ў прэс-службе Мінлясгаса.

У планах на гэту вясну закласці каля 18,4 тыс. га новых лясоў. Вялікі аб'ём работы давядзецца выканаць лясгасам і па дапаўненні насаджэнняў: каля 23 тыс. га за вясеннія дні.

Сёння ў час апаратнай нарады міністр лясной гаспадаркі Аляксандр Кулік уважліва азнаёміўся з ходам выканання работ па абласцях. Кіраўнік ведамства падкрэсліў: умовы надвор'я дазваляюць ствараць і дапаўняць насаджэнні ва ўсіх рэгіёнах. Важна не ўпусціць і выхадныя дні - арганізаваць у адстаючых лясгасах, асабліва ў паўднёвай частцы краіны, работу па суботах.

Актыўны ўдзел у лесааднаўленні прымаюць і грамадзяне Беларусі. У рамках рэспубліканскай акцыі "Адновім лясы разам!"добраахвотнікі дапамагаюць лясгасам у стварэнні лясных культур. У гэтым годзе акцыя прымеркавана да Года якасці. Міністэрства лясной гаспадаркі вызначыла менавіта якасць лесааднаўлення адной з прыярытэтных задач для галіны.

Вы можаце знайсці гэту старонку па наступным адрасе:
https://minpriroda.gov.by/by/news-by/view/z-pachatku-goda-rabotniki-ljasgasau-stvaryli-kalja-145-tys-ga-novyx-ljasnyx-kultur-5652/