Экалагічная акцыя "Мы клапоцімся" стартуе ў Беларусі 16 верасня
12 верасня, Мінск /Кар. БЕЛТА/. У Беларусі з 16 па 23 верасня пройдзе рэспубліканскае экалагічнае мерапрыемства па ўборцы смецця "Мы клапоцімся". Аб гэтым паведамілі БЕЛТА ў прэс-службе Міністэрства прыродных рэсурсаў і аховы навакольнага асяроддзя.
"Да ўдзелу ў акцыі запрашаюцца каманды вучняў устаноў сярэдняй спецыяльнай і вышэйшай адукацыі. Мэта мерапрыемства - прыцягнуць увагу моладзі да сучаснай экалагічнай сітуацыі ў гарадах і раёнах нашай краіны", - расказалі ў ведамстве.
Арганізатары мерапрыемства - Рэспубліканскі цэнтр экалогіі і краязнаўства пры падтрымцы Міністэрства прыродных рэсурсаў і аховы навакольнага асяроддзя, а таксама Міністэрства адукацыі. З умовамі правядзення рэспубліканскага экалагічнага мерапрыемства па ўборцы смецця "Мы клапоцімся" можна азнаёміцца на сайце Мінпрыроды.-0-
