Лукашэнка ўзгадніў кадравыя назначэнні ў міністэрствах і банкаўскай сферы

3 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка ўзгадніў назначэнні ў шэрагу міністэрстваў і банкаўскай сферы, перадае карэспандэнт БЕЛТА.

Алег Швец узгоднены на пасаду першага намесніка міністра архітэктуры і будаўніцтва. Раней ён працаваў на пасадзе намесніка міністра. У сваю чаргу Аляксандр Шваюноў зойме пасаду намесніка міністра пасля працы на пасадзе першага намесніка начальніка спецыялізаванай інспекцыі Дэпартамента кантролю і нагляду за будаўніцтвам Дзяржаўнага камітэта па стандартызацыі.

Абнаўленне і ў кіраўніцтве Міністэрства прыродных рэсурсаў і аховы навакольнага асяроддзя. Пасаду першага намесніка міністра зойме Аляксандр Корбут. Раней ён працаваў на пасадзе намесніка міністра. Гэту пасаду ў сваю чаргу зойме Іван Прыходзька, які да гэтага часу працаваў на пасадзе дырэктара Рэспубліканскага цэнтра дзяржаўнай экалагічнай экспертызы і павышэння кваліфікацыі кіруючых работнікаў і спецыялістаў.

Аляксандр Яфімаў узгоднены на пасаду намесніка міністра прамысловасці. Раней ён працаваў генеральным дырэктарам ААТ "АМКАДОР" - кіруючая кампанія холдынга".

Змяненні таксама ў банкаўскай сферы. На пасаду старшыні праўлення ААТ "Беларускі банк развіцця і рэканструкцыі "Белінвестбанк" узгоднены Алег Казарэдаў, які да гэтага часу быў намеснікам старшыні праўлення ААТ "ААБ Беларусбанк".-0-