Мінпрыроды прапанавала абмеркаваць праект па пераўтварэнні помніка прыроды "Парк "Нясвіж"
5 верасня, Мінск /Кар. БЕЛТА/. На грамадскае абмеркаванне вынесены праект пастановы Міністэрства прыродных рэсурсаў і аховы навакольнага асяроддзя "Аб пераўтварэнні помніка прыроды рэспубліканскага значэння парк "Нясвіж", паведамляе БЕЛТА са спасылкай на Нацыянальны прававы інтэрнэт-партал.
Праектам пастановы прадугледжваецца пераўтварэнне ў Нясвіжскім раёне Мінскай вобласці батанічнага помніка прыроды рэспубліканскага значэння "Парк "Нясвіж" у сувязі са змяненнем яго меж, плошчы, рэжыму аховы і выкарыстання.
Па прапанове Нясвіжскага райвыканкама ў складзе зямель помніка прыроды прапануецца захаваць паркавы комплекс, выключыўшы з яго тэрыторыі Нясвіжскі палацава-замкавы ансамбль (4,38 га). Пры гэтым прапануецца ўключыць у межы помніка прыроды сажалку Бернардзінцаў і частку акваторыі сажалкі Дзікай, якія раней не ўваходзілі ў межы помніка прыроды, як неад'емныя аб'екты паркавага комплексу.
У праекце таксама прадугледжваецца норма аб перадачы помніка прыроды ў веданне Нясвіжскаму раённаму выканаўчаму камітэту.
Арганізатар грамадскага абмеркавання - Міністэрства прыродных рэсурсаў і аховы навакольнага асяроддзя. Свае заўвагі і прапановы можна выказаць у спецыяльнай тэме на Прававым форуме Беларусі або накіраваць арганізатару грамадскага абмеркавання на электронны адрас zakaznik@minpriroda.gov.by з 5 па 15 верасня 2022 года.-0-
