Удасканаленне прыродаахоўнага заканадаўства і работа прадпрыемства. Худык правёў прыём грамадзян
7 верасня, Мінск /Кар. БЕЛТА/. Міністр прыродных рэсурсаў і аховы навакольнага асяроддзя Андрэй Худык правёў прыём грамадзян, у тым ліку індывідуальных прадпрымальнікаў, іх прадстаўнікоў, а таксама прадстаўнікоў юрыдычных асоб. Аб гэтым паведамілі БЕЛТА ў прэс-службе Мінпрыроды.
Да кіраўніка ведамства звярнуўся жыхар Талачынскага раёна Віцебскай вобласці, які лічыць, што мясцовы кансервавы завод наносіць шкоду прыродзе. Грамадзянін быў праінфармаваны, што прадпрыемствам атрыманы станоўчыя заключэнні дзяржаўнай экалагічнай экспертызы па шэрагу праектаў тэхнічных умоў на прадукцыю. Па заказе прадпрыемства інстытутамі НАН праведзена некалькі навуковых работ, па выніках якіх выдадзены рэкамендацыі па ўдасканаленні дзейнасці завода, у тым ліку зніжэнні нагрузкі, што аказваецца на навакольнае асяроддзе.
Па выніках звароту Андрэй Худык даў даручэнне начальніку ўпраўлення каардынацыі кантрольнай дзейнасці Мінпрыроды асабіста выехаць на месца для дадатковага вывучэння сітуацыі і ў выпадку выяўлення парушэнняў прыняць адпаведныя меры рэагавання.
Адзін са зваротаў у час прыёму датычыўся ўдасканалення прыродаахоўнага заканадаўства. Так, прадстаўнікі арганізацыі, якая займаецца перапрацоўкай адпрацаванага аўтамабільнага масла, прасілі аб садзейнічанні ў пытанні абмежавання выкарыстання такой сыравіны для атрымання цеплавой энергіі.
Міністр адзначыў, што прыярытэт перапрацоўкі масел над іх спальваннем бясспрэчны, паколькі гэта ў першую чаргу рацыянальнае прыродакарыстанне. Прадпрыемствы і арганізацыі, якія выкарыстоўваюць адпрацаванае масла для атрымання цеплавой энергіі, прымяняюць для гэтага адпаведныя тэхналогіі, маюць неабходныя дазволы і такім чынам не парушаюць прыродаахоўнае заканадаўства.
"З кожным годам наша заканадаўства ўдасканальваецца, у яго ўносяцца неабходныя змяненні і дапаўненні, што садзейнічае пераходу дзейнасці розных суб'ектаў гаспадарання на шлях экалагізацыі. Толькі ў першым паўгоддзі бягучага года прыняты 43 нарматыўныя прававыя акты ў галіне аховы навакольнага асяроддзя, у тым ліку тры законы" , - сказаў міністр.
Па фактах зваротаў Андрэй Худык даў даручэнні адпаведным службам Мінпрыроды з указаннем неадкладна адрэагаваць і ўстараніць праблемныя пытанні ў рамках прыродаахоўнага заканадаўства. Заяўнікам дадзены растлумачэнні і рэкамендацыі ў кожным канкрэтным выпадку.-0-
