Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Міністэрства прыродных рэсурсаў і аховы навакольнага асяроддзя Рэспублікі Беларусь

Худык: Беларусі запасаў торфу хопіць на 70 гадоў

07.02.2023

7 лютага, Мінск /Кар. БЕЛТА/. Беларусі запасаў торфу хопіць на 70 гадоў. Аб гэтым карэспандэнту БЕЛТА расказаў міністр прыродных рэсурсаў і аховы навакольнага асяроддзя Андрэй Худык.


Паводле слоў міністра, разведаныя запасы карысных выкапняў даюць магчымасць забяспечыць сыравінай усе буйныя горназдабыўныя прадпрыемствы Беларусі пры іх рабоце на поўную вытворчую магутнасць.


"Пры цяперашніх аб'ёмах здабычы прамысловымі запасамі калійных і каменнай солей, даламіту, глін, пяску, Беларусь забяспечана больш як на 100 гадоў. Запасаў торфу хопіць на 70 гадоў, а запасаў падземных вод, будаўнічага каменю і трэпелу - больш як на 50 гадоў. Акрамя таго, дзякуючы пастаяннай рабоце геолагаў запасы карысных выкапняў у нас штогод папаўняюцца", - падкрэсліў Андрэй Худык.


Ён дадаў, што ў 2018-2020 гадах выяўлена і папярэдне разведана радовішча Навадворскае ў Пінскім раёне з новым для Беларусі відам карысных выкапняў - базальтамі і туфамі. Гэты від сыравіны можа быць выкарыстаны для вытворчасці базальтавых валокнаў, арміруючых матэрыялаў і вырабаў, базальтавых супертонкіх валокнаў і іншых вырабаў у мэтах поўнага імпартазамяшчэння.-0-


БЕЛТА - Навiны Беларусi

Усе навіны