Мінпрыроды падведзены вынікі інвентарызацыі існуючых месцаў росту інвазівных відаў раслін

11.01.2019
Мінпрыроды сумесна з мясцовымі выканаўчымі і распарадчымі органамі ў перыяд са жніўня па кастрычнік 2018 года праведзены палявыя абследаванні па выяўленні новых і інвентарызацыі існуючых месцаў росту найбольш агрэсіўных відаў інвазівных раслін. Адпаведнае даручэнне па ўзмацненні працы ў гэтым напрамку было дадзена Міністрам прыродных рэсурсаў і аховы навакольнага асяроддзя Андрэем Худыком у рамках выязной калегіі міністэрства 10 жніўня ў Лагойскім раёне, на якой былі разгледжаны вынікі выканання работ па рэгуляванні распаўсюджвання і колькасці баршчэўніка Сасноўскага.

 

Па выніках праведзеных абследаванняў ўстаноўлена, што агульная плошча вырастання інвазівных раслін у цэлым па рэспубліцы склала:

  • баршчэўнікі (Сасноўскага і Мантегаццы) - 3675,6922 га;
  • сумнікі (канадскі, гіганцкі) - 2850,9179 га;
  • эхінацысціс лопасцевы - 116,396 га.

 

Плошчы вырастання вышэйзгаданых відаў інвазівных раслін у разрэзе абласцей і раёнаў прыкладаюцца (спампаваць).

 

Па выніках інвентарызацыі тэрытарыяльнымі органамі Мінпрыроды ўнесены прапановы ў мясцовыя выканаўчыя і распарадчыя органы па фарміраванні паказчыкаў абласных, Мінскага гарадскога і раённых планаў мерапрыемстваў па навядзенні парадку на зямлі на 2019 г. Мінпрыроды як каардынатар выканання рэспубліканскага плана мерапрыемстваў па навядзенні парадку на зямлі працягне кантроль за выкананнем гэтых работ.

 

Прапановы і рэкамендацыі змяшчаюць канкрэтныя заданні па рэгуляванні распаўсюджвання і колькасці інвазівных відаў раслін.

 

Акрамя таго, Мінпрыроды дадзены выразныя рэкамендацыі мясцовым выканаўчым і распарадчым органам па фарміраванні раённых планаў мерапрыемстваў па рэгуляванні распаўсюджвання і колькасці відаў раслін, распаўсюджванне і колькасць якіх падлягаюць рэгуляванню.

 

Раённыя планы мерапрыемстваў зацвярджаюцца мясцовымі выканаўчымі і распарадчымі органамі па ўзгадненні з тэрытарыяльным органам Мінпрыроды штогод да 15 красавіка, а ў выпадку выяўлення на працягу года новых месцаў росту раслін у яго па ўзгадненні з тэрытарыяльным органам Мінпрыроды ўносяцца змены і дапаўненні (Пастанова Савета Міністраў Рэспублікі Беларусь ад 07.12.2016 № 1002 “Аб некаторых пытаннях рэгулявання распаўсюджвання і колькасці відаў раслін”).

Версія для друку