29 ліпеня, Мінск /Кар. БЕЛТА/. У Палату прадстаўнікоў урадам унесены праект закона "Аб змяненні законаў па пытаннях нетракарыстання". Аб гэтым
БЕЛТА паведамілі ў прэс-службе Палаты прадстаўнікоў.
Законапраект прадугледжвае ўнясенне змяненняў у Кодэкс Рэспублікі Беларусь аб нетрах, Кодэкс унутранага воднага транспарту, закон ад 18 ліпеня 2016 г. "Аб дзяржаўнай экалагічнай экспертызе, стратэгічнай экалагічнай ацэнцы і ацэнцы ўздзеяння на навакольнае асяроддзе".
Унясенне змяненняў у Кодэкс Рэспублікі Беларусь аб нетрах абумоўлена неабходнасцю актуалізацыі яго з улікам практыкі правапрымянення ў мэтах выключэння нявызначанасцей, неадназначнага тлумачэння, а таксама неабходнасцю ўзгодненасці з іншымі заканадаўчымі актамі.
Галаўной камісіяй па законапраекце вызначана Пастаянная камісія па экалогіі і прыродакарыстанні Палаты прадстаўнікоў.-0-
