8 снежня 2021 г. падведзены вынікі конкурсу дзіцячых вершаў, апавяданняў і казак “Свет прыроды – Божы свет” для вучняў “Зялёнай школы” пры нядзельнай школе Свята-Георгіеўскага храма горада Ліды на прызы Міністэрства прыродных рэсурсаў і аховы навакольнага асяроддзя Рэспублікі Беларусь.
Адборачны тур праводзіўся з 1 кастрычніка да 1 снежня 2021 года.
У склад журы ўвайшлі начальнік Лідскай гарадской і раённай інспекцыі прыродных рэсурсаў і аховы навакольнага асяроддзя Андрэй Ерамейчык; дырэктар Лідскага раённага цэнтра экалогіі, турызму і краязнаўства Жанна Цехановіч, старшы спецыяліст экалагічнай экспертызы па Гродзенскай вобласці Сяргей Саўко, благачынны Лідскай акругі, настаяцель Свята-Георгіеўскага храма горада Ліды протаіерэй Расціслаў Салаўёў.
Члены журы вызначылі пераможцаў і прызёраў конкурсу ў кожнай намінацыі, і прадставілі да ўзнагароджання ў Мінпрыроды.
На конкурс прымаліся экалагічныя казкі ўласнага сачынення, мастацкія творы, вершы і тэматычныя ілюстрацыі да іх. Тэматыкай работ сталі пытанні аховы навакольнага асяроддзя і рэсурсаў зберажэння, беражлівых адносін чалавека да жывёльнага і расліннага свету.
Узнагароджанне пераможцаў адбудзецца напярэдадні Калядных свят.